![](https://armforest.am/wp-content/uploads/2023/10/377548749_694960205992541_3824584387654426122_n.jpg)
Այսօր Անտառային կոմիտեի նախագահ Վլադիմիր Կիրակոսյանի մոտ կայացել է «Հայանտառ» ՊՈԱԿ-ի տնօրեն Սևակ Մարկոսյանի և «Անտառտնտեսություն» մասնաճյուղերի ղեկավարների հետ գործակարգավարական հանդիպում-խորհրդակցություն։
Հանդիպման ընթացքում քննարկվել են անտառտնկման, անտառվերականգման, խնամքի հետ կապված աշխատանքները և առկա խնդիրները: Ներկայացվել են ընթացիկ տարվա ամփոփ տվյալները` օգոստոսի դրությամբ։ Հատուկ ուշադրություն է դարձվել անտառապատման և անտառպահպանման ոլորտին։
- Կոմիտեի նախագահը «Անտառտնտեսություն» մասնաճյուղերի ղեկավարներին հանձնարարել է հետևողական լինել բոլոր աշխատանքների պլանավորման և ըստ ժամանակացույցի կատարման հարցերում, կանխատեսել և գնահատել հնարավոր ռիսկերը։
- Ժամանակին և արագ կատարել անհրաժեշտ գործառույթների վերաբաշխումներ` տարեկան ծրագրով նախանշված բոլոր աշխատանքների կատարումն ապահովելու նպատակով։
- Սահմանել հսկողական մեխանիզմներ` աշխատանքների հավուր պատշաճի կատարման ուղղությամբ։
Կոմիտեի նախագահը նաև տեղեկացրել է, որ նախագծվում է ստեղծել անտառներից փայտանյութի սպառման միասնական հարթակ, ինչն ուղղված է լինելու համակարգված և արագ աշխատանքների կազմակերպմանը։
![](https://armforest.am/wp-content/uploads/2023/10/376799677_694960355992526_7899455793657164943_n-1024x683.jpg)
![](https://armforest.am/wp-content/uploads/2023/10/377548749_694960205992541_3824584387654426122_n-683x1024.jpg)
![](https://armforest.am/wp-content/uploads/2023/10/377553660_694960282659200_6481993483235988784_n-1024x683.jpg)
![](https://armforest.am/wp-content/uploads/2023/10/377564102_694960385992523_5777482018311828382_n-1024x683.jpg)
![](https://armforest.am/wp-content/uploads/2023/10/377581620_694960172659211_2087892132403327840_n-1024x683.jpg)
![](https://armforest.am/wp-content/uploads/2023/10/377691847_694960775992484_6810377852158978260_n-1024x683.jpg)
![](https://armforest.am/wp-content/uploads/2023/10/379008959_694960585992503_1791015440540673317_n-1024x683.jpg)