![](https://armforest.am/wp-content/uploads/2023/08/367411485_677262934428935_8681337161050624267_n.jpg)
Մարզային այցելությունները շարունակվում են
Անտառային կոմիտեի նախագահ Վլադիմիր Կիրակոսյանի գլխավորած աշխատանքային խումբը Տավուշի մարզում կատարած այցի շրջանակում հանդիպել է Անտառային կոմիտեի «Հայանտառ» ՊՈԱԿ-ի՝ այդ մարզի «Անտառտնտեսություն» մասնաճյուղերի ղեկավարների, պահպանության գծով տնօրենների տեղակալների և անտառապետերի հետ։
Հանդիպումների առանցքում, ինչպես և՛ Լոռու մարզ այցելության դեպքում, վարչապետի որոշմամբ ստեղծված անտառային հրդեհների դեմ պայքարի աշխատանքային խմբի գործունեության կազմակերպումը և դրանց պատշաճ իրականացումը։
Հանդիպման ընթացքում քննարկվել են անտառային հնարավոր հրդեհավտանգ իրավիճակների մշտադիտարկման, հրդեհների կանխարգելման և անհրաժեշտ կարողությունների գնահատման, արագ արձագանքման, հրդեհների դեմ պայքարի, դրանց հետևանքների տարածման-կանխման ուղղված միջոցառումներին վերաբերող հարցեր։
Անտառտնտեսության աշխատակիցները կոմիտեի և «Հայանտառ» ՊՈԱԿ-ի ղեկավար կազմին են ներկայացրել ընթացիկ աշխատանքները (անտառտնկում, անտառվերականգնում) և առկա խնդիրները: Առաջարկվել են հնարավոր լուծումներ։
Ներկայացվել են 2024 թ-ին կատարվելիք աշխատանքների նախնական ծրագրերը։
Բարձր ջերմաստիճանի պատճառով հրդեհների առաջացման ռիսկերը կանխելու և անկանխատեսելի հետևանքներից խուսափելու նպատակով՝ հանձնարարվել է իրականացնել ուժեղացված հսկողություն ու խստագույնս պահպանել հակահրդեհային կանոնները։
Անտառային կոմիտեի նախագահը հորդորել է ընթացիկ աշխատանքներն իրականացնելիս հստակ պահպանել նախանշված ժամանակացույցերը, ապահովել արդյունավետության բարձր ցուցանիշ։
![](https://armforest.am/wp-content/uploads/2023/08/364783816_677262807762281_1670331762177982610_n-1024x683.jpg)
![](https://armforest.am/wp-content/uploads/2023/08/367397163_677262967762265_4401249700453668125_n-1024x683.jpg)
![](https://armforest.am/wp-content/uploads/2023/08/367411485_677262934428935_8681337161050624267_n-1024x683.jpg)
![](https://armforest.am/wp-content/uploads/2023/08/367414271_677262857762276_8061679850323067184_n-1024x683.jpg)
![](https://armforest.am/wp-content/uploads/2023/08/367425952_677262824428946_8468433059233394886_n-1024x683.jpg)
![](https://armforest.am/wp-content/uploads/2023/08/367439617_677262704428958_2646851398927257979_n-1024x683.jpg)
![](https://armforest.am/wp-content/uploads/2023/08/367448608_677263157762246_240456951509563973_n-1024x683.jpg)
![](https://armforest.am/wp-content/uploads/2023/08/367456794_677262827762279_5242540659034708462_n-1024x683.jpg)
![](https://armforest.am/wp-content/uploads/2023/08/367457803_677262911095604_8994000436542416080_n-1024x683.jpg)
![](https://armforest.am/wp-content/uploads/2023/08/367473882_677263161095579_2206619184479756672_n-1024x683.jpg)