![](https://armforest.am/wp-content/uploads/2023/08/362610360_666737205481508_9116183971429943812_n.jpg)
Անտառային կոմիտեի «Հայանտառ» ՊՈԱԿ-ը ՄԱԿ-ի Պարենի և գյուղատնտեսության կազմակերպության (FAO) տարածաշրջանային գրասենյակի հետ համատեղ իրականացնում է «Հայաստանում անտառների դիմակայության բարձրացում՝ մեղմացման միջոցառումների շնորհիվ հարմարեցման և գյուղական վայրերում կանաչ տարածությունների ընդլայնման միջոցով» ծրագիրը։ Ծրագրի իրականացման համար դրամաշնորհը տրամադրել է Կանաչ կլիմայի հիմնադրամը։ Ութամյա ծրագիրը մեկնարկել է 2021թ-ին։ Ծրագրի նպատակներից է նպաստել Հայաստանում անտառային ծածկույթի 2,5 տոկոսով ավելացմանը։
Ծրագրի շնորհիվ նախատեսվում է հետագայում անտառմշակույթների հիմնումը կազմակերպել բացառապես փակ արմատային համակարգի տնկայութով։ Ծրագրի շրջանակներում հիմնադրվել են ջերմոցներ, որտեղ ցանվել են կաղնու, կեչու, հացենու և սոճու սերմեր։
Անատառային կոմիտեի «Հայանտառ» ՊՈԱԿ-ի տնօրեն Սևակ Մարկոսյանը Պարենի և գյուղատնտեսության կազմակերպության ներկայացուցիչների հետ հանդիպման ժամանակ կարևորել է ծրագրի ուղերձը՝ «Հայաստանի կանաչ տարածքների ավելացումը»։
![](https://armforest.am/wp-content/uploads/2023/08/362610360_666737205481508_9116183971429943812_n-1-1024x683.jpg)
![](https://armforest.am/wp-content/uploads/2023/08/362934014_666737235481505_5086576556265084156_n-1024x683.jpg)
![](https://armforest.am/wp-content/uploads/2023/08/363351937_666737368814825_7139437153052145071_n-1024x661.jpg)