![](https://armforest.am/wp-content/uploads/2023/08/364157939_675462367942325_4552681774201247477_n.jpg)
Անտառային կոմիտեի նախագահ Վլադիմիր Կիրակոսյանը, «Հայանտառ» ՊՈԱԿ-ի տնօրեն Սևակ Մարկոսյանը և ՊՈԱԿ-ի տնօրենի խորհրդական Վիգեն Չիլինգարյանը այսօր հանդիպել են Լոռու մարզպետ Արամ Խաչատրյանի հետ։ Հանդիպման հիմնական թեման վերաբերել է Վարչապետի որոշմամբ ստեղծված անտառային հրդեհների դեմ պայքարի աշխատանքային խմբի աշխատանքների կազմակերպմանը և դրանց հետամուտ լինելուն։ Քննարկվել են անտառային հնարավոր հրդեհավտանգ իրավիճակների մշտադիտարկման, հրդեհների կանխարգելման և անհրաժեշտ կարողությունների գնահատման, արագ արձագանքման, հրդեհների դեմ պայքարի, դրանց հետևանքների տարածման-կանխման ուղղված միջոցառումներին վերաբերող հարցեր։
Քննարկման ընթացքում կարևորվել է ՆԳՆ-Անտառտնտեսություն-Բնակչություն համագործակցությունը, որը արտակարգ իրավիճակներում նշանակալի դերակատարում է ունենում։
Վլադիմիր Կիրակոսյանը ներկայացրել է նաև 2013 թ-ի թիվ 684-Ն «Պետական անտառների պահպանության, պաշտպանության, վերականգնման և անտառապատման, առանձին աշխատանքների կատարման ծախսերի նորմատիվները հաստատելու մասին» որոշման մեջ կատարված փոփոխությունները, որոնք ուժի մեջ են մտնելու 2024 թ-ի հունվարի 1-ից, համաձայն որի բարձրացվել են պետական անտառների պահպանության, պաշտպանության, վերականգնման և անտառապատման, առանձին աշխատանքների կատարման ծախսերի նորմատիվները։
Լոռու մարզպետ Արամ Խաչատրյանը կարևորել է այդ փոփոխությունները, որը մարզի բնակչության համար անհրաժեշտ սոցիալական խնդիր է լուծում և հավաստիացրել է, որ համայնքներում կկատարվի համապատասխան իրազեկում։ Նա նաև կարևորել է Անտառային կոմիտեի հետ օպերատիվ աշխատանքների բնույթը և հույս է հայտնել, որ դրանք կլինեն շարունակական։
Նշենք նաև, որ Անտառային կոմիտեի նախագահը հանդիպումներ է ունենալու Անտառային կոմիտեի «Հայանտառ» ՊՈԱԿ-ի Լոռու մարզում գտնվող «Անտառտնտեսություն» մասնաճյուղերի հետ։
![](https://armforest.am/wp-content/uploads/2023/08/364138305_675462524608976_2791259221296289546_n-1024x683.jpg)
![](https://armforest.am/wp-content/uploads/2023/08/364157939_675462367942325_4552681774201247477_n-1024x683.jpg)
![](https://armforest.am/wp-content/uploads/2023/08/364209000_675462507942311_554814744050001163_n-1024x683.jpg)
![](https://armforest.am/wp-content/uploads/2023/08/366503893_675462487942313_5234554288315940178_n-1024x683.jpg)
![](https://armforest.am/wp-content/uploads/2023/08/366505886_675462541275641_6979370202061208563_n-1024x683.jpg)
![](https://armforest.am/wp-content/uploads/2023/08/366689111_675462607942301_930243934164310994_n-1024x683.jpg)
![](https://armforest.am/wp-content/uploads/2023/08/366702586_675462467942315_977504110141510928_n-1024x683.jpg)