Անտառային կոմիտեի «Հայանտառ» պետական ոչ առևտրային կազմակերպության տնօրենի թափուր պաշտոնը զբաղեցնելու համար կազմակերպված մրցույթի արդյունքում հաղթող է ճանաչվել և անտառային կոմիտեի նախագահի հրամանով տնօրեն է նշանակվել Սևակ Մեսրոպի Մարկոսյանը։
✅Անտառային կոմիտեի նախագահ Վլադիմիր Կիրակոսյանը, «Հայանտառ» ՊՈԱԿ-ի նորանշանակ տնօրենին շնորհավորելով պաշտոնում նշանակման կապակցությամբ, մաղթել է արգասաբեր աշխատանք և ընդգծել․ «ՊՈԱԿ-ի տնօրենի պաշտոնակատար եղած ժամանակահատվածում, անմիջականորեն ծանոթանալով ոլորտային խնդիրներին և առանձնահատկություններին, պետք է, որ հստակ ամրագրած լինեք, որ միայն ամենօրյա ժրաջան, նվիրված աշխատանքով է հնարավոր ոլորտում դրական փոփոխություններ գրանցել»։
✅Սևակ Մարկոսյանն էլ իր խոսքում նախ շնորհակալություն է հայտնել նման պաշտոն իրեն վստահելու համար, ապա ընդգծել, որ անելու է ամեն բան ոլորտում եղած լավը պահպանելու, զարգացնելու ուղղությամբ և ներդնելու է առավելագույն ջանքեր տեսանելի դրական արդյունք ապահովելու համար։
